សមាគមកែលម្អជីវភាពកសិករ

សមាគមកែលម្អជីវភាពកសិករ ហៅកាត់ថា FLIA បានបង្កើតឡើងជាផ្លូវការនៅចុង ឆ្នាំ២០១៧ ជាអង្គការកំពូលរបស់ក្រុមកែលម្អជីវភាព ហៅកាត់ថា LIGs ចំនួន ១.២០៦ក្រុម។ គម្រោង TSSD ដែលដឹកនាំអនុវត្តដោយរាជរដ្ឋាភិបាលគឺជាអ្នកផ្ដួចផ្ដើមគំនិត បំផុស និងសម្របសម្រួលឲ្យមានការបង្កើតសមាគមនេះឡើង។ គិតត្រឹមខែមេសា ឆ្នាំ២០២២ ទ្រព្យសរុប និងដើមទុនម្ចាស់ហ៊ុនមានចំនួន ១០,៧លានដុល្លារ និង ១០,៦លានដុល្លារ ដោយឡែកៗពីគ្នា។ ក្នុងរយៈពេលប្រាំឆ្នាំខាងមុខ ចាប់ពីឆ្នាំ២០២៣ ដល់ឆ្នាំ២០២៧ សមាគមនឹងបញ្ចូលក្រុម LIGs ចំនួន ១៩០៦ក្រុមនៃគម្រោង TSSD-AF ជាសមាជិក ប្រសិនបើអាចសម្រេចបាន ហើយក្រុម LIGs ជាសមាជិកបច្ចុប្បន្នអាចទទួលយកពួកគេ។ ក្នុងករណីដែលការងារនេះអាចសម្រេចបាន ទ្រព្យសរុប និងដើមទុនម្ចាស់ហ៊ុននឹងកើនឡើងច្រើនថែមទៀត។